Zvidudzirachiito nezviratidzanguva

Chidudzirachiito

Izwi rinotsanangura chiito sokuti anodya senguruve. Zvidudzirachiito zvinopindura mibvunzo yakasiyana siyana sokuti chaitwa sei? chaitwa nani? chaitwa zvakadii? chaitwa riini? Chaitwa kupi?

Mhando dzeChidudzirachiito

Chidudzirachiito chefanano: izwi rinoratidza kufanana pakuita chinhu eg, Rudo anofamba samai vake.
Chidudzirachiito chenguva: Izwi rinoratidza nguva yakaitika chinhu sokuti: akaenda kuHarare nezuro
Chidudzira chiito cheudzamu: Chinoratidza udzamu hwechinhu sokuti: mvura yanaya zvikuru.
Chidudzirachiito chemaitiro: Chinoratidza kuti chinhu chakaitwa sei sokuti: Akarohwa zvisingaite.
Chidudzirachiito chewadzano: Chinoreva kuva pamwe kwezvinhu zvakasiyana pakuita chinhu zvichireva mushandira pamwe eg: vakomana vakatsvaira nevasikana.
Chidudzirachiito chenzvimbo: Chinoratidza nzvimbo yakaitika zvakaitika eg: akatongerwa padare.
Chidudzirachiito chechombo: Chinoreva chombo kana chinhu chakashandiswa pakuita zvakaitwa sokuti: akarohwa netsvimbo.
Chidudzirachiito chemuiti: Chinoreva munhu akaita chinhu sokuti:Asungwa nemapurisa.

Zviratidzanguva

Mavara anoratidza nguva dzakasiyana siyana eg past tense, present tense, past participle.

Mhando dzezviratidzanguva

Chiratidzanguva chezvakaitika kare: chinoshandisa chivakazwi -ka-
Chiratidzanguva chezvinogaroitika: Chinoshandisa chivakazwi -no-
Chiratidzanguva chezvichaitika: Chinoshandisa chivakazwi -cha- eg achauya mangwana.
Chiratidzanguva chezvaigaroitka: Chinoshandisa chivakazwi -i-
Chiratidzanguva chezvabvamukuitika: Chinoshandisa chivakazwi -a-